Cikel poezish, tetor, 2018

GATI PROFECI 

Sa mё shumё heshtin

ata qё duhet tё flasin,

aq mё i rёndё ndёshkimi.

Lёndimi ve  rritet brenda shpirtit,

kur sheh

patetizmin histerik

vemjor,

tek ze rrёnjё

bri Pemёs Mbret.

Po unё  nё heshtjen time

rri dhe pres ҫastin.

Ndёrkohё, i kam deshifruar tё gjitha shenjat,

e di.

Dhe pres…

Vendi im indiferent  

Vendi im indiferent

pulit sytё ҫdo mёngjes dhe zgjohet.

Shikohet plot dashuri nё pasqyrat e qiellit e tё detit

dhe i buzёqesh vetes.

Sa do desha njё grimёz buzёqeshje prej tij!

Po ai nuk mё sheh.

Jam njё e padukshme,  njё e harruar,

popull, qё me sytё nga Qielli

nё kёrkim tё Zotit Mbrojtёs,

mbledh thёrrimet e fundit tё darkёs

pa guxuar tё shohё sytё e fёmijёve tё vet.

Vendi im indiferent nuk ka kohё,

i zёnё  me plot gjёra

tё mёdha,

si fitimet, mashtrimet, premtimet.

Nuk ka kohё vendi im

pёr dashurinё e pastёr tё birit,

pёr dhimbjen e thellё tё shpirtit,

jo, nuk ka kohё.

Hijenat ulёrijnё nёpёr sheshe mitingjesh,

hijenat shqyhen pёr pushtete,

duke shitur imazhe dashurie, besimi, pёrkushtimi…

 Ҫ’neveri! Ҫ’trishtim!

Vendi im indiferent,

mos e pёrsёrit historinё e Mbretit Lir!

Nё kёrkim tё pёrgjigjeve   

Nё kёrkim tё pёrgjigjeve

i prek gjёrat e kokёs sime

dhe i emёrtoj:

Sy, veshё, hundё, buzё…

Ngre shikimin nё Kupolёn Qiellore

pёr tё marrё miratimin.

Sytё mё erren,

dhe kuptoj se nuk njoh asgjё.

Nuk e di se kush fshihet pas syve,

buzёve, veshёve,

hundёs time…

ҫ’do gjё mund tё jetё,

ndoshta njё flutur,

apo  ndoshta njё pёrbindёsh.

Me shikimin drejt Kupolёs Vezёlluese

kёrkoj njё pёrgjigje, njё aprovim.

Si kundёrpeshё,

Gjёrat e mija kokёrore i nis pёr eksplorim

nuk mund tё rrihet pa pёrgjigje!

…

I DASHURI IM, CFARE TRISHTIMI! ...  

I dashuri im,

Po mё vdesin nёpёr duar trupat e njomё

hiri i tyre po ngec nёpёr flokёt tanё,

pёrreth, flakё qё pёrpijnё gjithҫka

dhe skёrmitje tё dёshtuara

tё humbёsit,

fitimtar tё hirit.

Flaka djeg bukёn,

dhe qiellin flakёron.

Shpirtrat tanё dridhen nga trishtimi,

grabisim buzёt qiellore tё njё foshnjeje

dhe puthemi nё tё ardhmen.

RAPORTIM   

Ata vdesin,

dhe ne fillojmё tё bёjmё statistika

duam tё pёrligjim trajektoret e vetvetes,

mё saktё, mendimet  dhe opinionet tona

rreth atyre qё vdiqёn.

Duhet patjetёr tё kemi njё opinion

Tё pranueshёm nё publik.

FUNDI I KAOSIT   

I mbolla shtatё pemё pёr tё sfiduar vdekjen,

pёr tё mbyllur kaosin e mendimeve tё mija.

Shtatё pemё pёr t’u thёnё barbarёve - Stop!

Dhe pёr tё rifilluar kaosin tjetёr

me kujdes i mbajta shtatё pemёt e mija.

Pёrmes tyre shoh ҫ’ka jam,

ҫfarё dua, kёrkoj dhe gjej rrugёn time unike,

pёrze iluzionet dhe bёhem e qartё,

krijoj njё sistem absolut tё vetvetes.

Plumbat pёrshkojnё mendimet e mija,

por jo trupin tim.

Qёndroj nё mesin e shtatё pemёve qё mbolla

Dhe dёgjoj, dhe bёj atё qё duhet bёrё.

DUKE PRITUR 

U ula dhe prita ndёshkimin e kriminelёve

Tё tё gjithё llojeve

Spiunё, tradhёtarё, hajdutё,

Ekzekutues  gjakftohtё,

Urdhёr- dhёnёs tё pashpirt

Vrasёs  fёmijёsh, gjyshesh,

Gra shtatzёna, burrash

Vrasёs poetёsh

Po ndёshkimi nuk u krye

Ligji ishte zhdukur nёn pala dollarёsh

Unё  vazhdoj tё pres

Me durim e besim

Po  pёrsёri ndёshkim nuk pati

Krimi mё pёrqeshi  nё fytyrё.

PEIZAZH NJERZOR  

Gra kurva,

plaka

Spitullaqe tё vonuara tё seksit

Tё nxjerrё nё ankand.

Burra kurva,

Hamshorё tё dёshtuar

Dashnoresh  mendjezhabash.

Drejtorё vemjexhinj,

 Profesionistё

Jargёsh

Qё mbushin qytetin.

Propagandё boshe,

Facebook-istё tё fiksuar

Fёmijё pornonjohёs “eksellent”

Kinse modernё.

Motele me erёra kutёrbuese

Ku ekzekutohet ankandi I trupit

Dhe numёrohen paratё .

Burokratё tё trembur

Qё shohin e dinё gjithcka

Po nuk flasin

Nuk flasin…

Nga vellimi ne proces...