SONTE HARRUAM TЁ BЁJMЁ DASHURI
Mos e prish kёtё heshtje
Castin sublim
Te zbulimit tё mistereve
Kur fjalёt kthehen nё foshnje
Dhe ne tё dy
Nё dy tё porsalindur
Qё zgjatim duart dhe ҫdo gjё e prekim
Ngadalё-ngadalё…
Symbyllur endemi nё njё mjegull qumёshti,
Humbasim nocionin e Kohёs, Hapёsirёs…
Dhe s’duam tё pёrmendemi…!
Ah! Trup’ I burrit, i bukur, i fortё,
Tё pёrkёdhel
Dhe nё gishta ndjej si mё lёvrin
Gjaku, muskujt, jeta
Tё dua!
Tmerrёsisht!
Marrёzisht tё dua!
Hesht! Mos fol pra!
Lёre Universin tё vazhdojё lojёn e pёrjetshme
Tё ditё-natёs
Ah! Tup’ i burrit, dikur i bukur,
i fortё,
Tё pёrkёdhel, ashtu, ngadalё,
Mos tё ti lёndoj plagёt
Dhe ti i gjymtuar, gjakosur,
I shtrirё bri meje, hesht.
Nuk ёshtё e thёnё,
Edhe nё ҫastin mё solemn
Edhe nё kredhjen mё tё thellё
Nё dashurinё tonё
Nё shpirtin tonё tё etur,
Do tё kёrcasё diku njё krismё,
Njё yll do tё rrёzohet
Dikush do tё ikё me nxit’
Pёr t’i lёnё vendin atij qё lind,
Do tё kёrcёllijnё dhёmbё tё uritur,
Do tё shuhen jetё, shpirtra, qё kurrё
S’mundёn tё jetohen
Dhimbje, shpresa, dёshira, do tё mblidhen diku
Nё njё dritare
Nё njё palё sy qё s’flenё
Njёlloj si ne sonte
Qё jemi kaq tё shqetёsuar!
Ajo rrugё,
Ata shpirtra rinorё tё vdekur
Dhe ai fёmijё i vetmuar
Qё s’di nga tё shkojё
Gojё tё mbytyra nё gjak
Dhe eshtra qё duken e zhduken
Mes mishit ende tё patretur
Nё dheun e ftohtё e tё zi…
Ah! Trup’ I burrit
Dua tё tё pёrkёdhel
Por s’mundem
Gishtrinjtё nuk duan
Kёrkoj sytё e tu dhe vёshtroj
Nuk ka dritё,
Nё sytё tanё ka trishtim,
Buzёt largohen si mёkataret e reja
Para dyerve tё kishёs
Trupat janё tё ftohtё
Dhe jashtё,
Ёshtё njё natё e mrekullueshme
Me rrёzime yjesh mbi gjethe tё tretura
Kaq shumё e ngrohtё…
Dhe ne,
Ne, harruam tё bёnim dashuri…
Nga vellimi "Arsye e grisur"
Comments
Post a Comment